Jordihof News

Kategorie: Jordihof-News, Mir Gratuliere!
26.04.16 15:53 Alter: 1 Jahre

Meiezit

Es schöns Värsli vom Res Zumstein


Der Mei wird doch so oft besunge,

Drum ha ou ig mi düregrunge,

I Värsform mini Gfüeu zerfasse,

Doch wot vorescht der Rim nid passe.

S isch haut i dere Zit rächt schwär,

Es chunt gar viu ufs mou derhär.

Wie söusch das aus mit Wort beschriibe,

Wie säusch do no vernünftig bliebe.

Wenn usem Schlof d Natur erwachet

Und säubscht der gröschti Griesgram lachet.

Wenns grüent und blüit i aune Egge,

Hesch doch kei Zit zum überlegge

Wenn d Vögu pfiffe früech am Morge,

Vergisst me siner Autagssorge.

Es unbeschrieblichs Gfüeu, es Chräble,

Duet eim de Verschtand vernäble.

Säubscht Auti füele sich no jung

Und Chrankni wärde wider gsung.

Sfahrt i, i Chopf u Härz u Bei

Es isch haut widerume Mei.